膠著的生活
五月 29th, 2006 § 7個回應
*家
其實我真的有點累，守在媽身邊陪她哭過了，面對過五間銀行的恐嚇和側目，把自己僅餘的錢去付你炒股票的卡數，奔波了幾日數目還是這樣大．媽終於靜下來跟你講，你居然還說你能夠把錢拿回來就是了，你偷我媽的錢的信用卡的信的身份利用子女冤枉兒子偷錢無所不用其極的去拿錢賭，十幾年來不事生產走過佬拋妻棄子過幾年老婆捱清你Ｄ債你又死番來！而家你係賊呀仲咁惡仲厄我地呢樣果樣你到底想點？
就算我幾嬲幾唔開心依家都係要打完銀行打去稅局去代媽咪面對那些可怕的聲音，這件可怕的事．我好驚屋企有人淋油好怕細佬會出事，而家係你累到個仔要去看心理醫生你從頭到尾都無為過我地著想！眼中之有你的孖展期指馬和波，你有種就自己去做野唔好厄完媽咪Ｄ稅又偷她的卡去簽！你窮途末路我唔會可憐你架亦唔會比媽咪再心軟！我地唔告你已經仁至以盡．
我以前唔敢係度寫你既野怕你會看到會罵我媽看到會唔開心，但我話你知我唔驚你啦亦唔會顧你既面！我鍾意發洩就發洩呢個世界唔會有人再忍你！
你而家仲有面係屋企行行企企無所事事只識食訓同埋賭，我不得不承認我係幾咁以你為恥！
*細佬
原諒家姐話個真相比你知，又要你成為同謀，但這個家已經沒出路了，希望你明白，我把事情告訴你係唔想你好似我當年咁估估下又驚又唔開心，老豆走左佬都唔知咩事只見到媽咪哭，我好想你難過之餘也明白，我都一直在你們身邊的，媽也是．
*假期
雖然寄過幾封信但我知道我今個SUMMER的工係做保姆同特務，要照顧細佬起居飲食仲有監察著你（我心裡係想趕你走），雖然無法賺錢但我必須這樣，正如媽，你必須離開他一樣．
好，發洩完啦，夠鐘打電話
誓死撐硬你
小欣…要保重自己呀。撐你。take care.小明
小妹．．．．．．．．你為什麼不跟我這個同路人．．．．分享呀！
放心,我會好好保護自己架angel 唉而家好多野佢地都仲逃避，要面對的居然係我，哈哈
傻妹
要成一個完整既家係幾難，難得你仲咁理智，堅持住呀，如果可以幫到的找我啦～！ 伽嵐@steve
“生活”是困難及無奈的,但只要努力,任何事也可渡過. 加油!!多事人 上